Nero Claudius Caesar Augustus Germanicus

E Necyclopaedia

   "Qualis carnifex pereo"
   - Nero moriens
Berlusconi

Dicunt Neronem specie simillimum Silvio Berlusconi fuisse, quo sciri potest eum probissimum modestissimumque virum fuisse.

Nos3

Omnes homines Neronem amabant.

Nero Claudius Caesar Augustus Germanicus sive simpliciter Nero fuit imperator Romanus amatissimus, piissimus, sanctissimus, homo bellissimus omnium temporum. Omnes fere homines iam in antiquitate putabant in eo inesse omnes virtutes: erat enim tam imbellis quam Alexandrus Magnus, tam modestus quam Cicero, tam honestus quam Catilina, tam sanus quam Caligula, tam fidelis quam Brutus, tam religiosus quam Socrates.

Jebus

Neroni artes cuiuscumque modi placebant, praesertim saltatio.

[recensere] De matre

Dicunt Neronem amicissima consuetudine cum matre coniunctum esse, Neronemque fuisse optimum probissimumque filium. Unum minimum tantum probrulum eum commisisse: matrem interfecisse.

[recensere] De nomine

Paucissimi hodie sciunt Claudium, qui post Caligulam anteque Neronem imperator fuit, primum nominatum esse Caligulula, quia successor Caligulae fuit. Dein Nero, qui successor successoris Caligulae fuit, Caligululula nominatus est. Cum autem Galba, successor successoris successoris Caligulae, imperator factus esset, homines non iam voluerunt eum Caligululululam nominare et ita Caligulula iterum "Claudius" nominatus est, Caligulululaque iterum "Nero".

[recensere] De hominibus invidis

Quidam tamen aestimantur Neronem revera malignum vel pessimumque imperatorem fuisse. Autumant eum vel Romam ipsam incendere. In libro Sweatonii[1] de Vitiis Caesarum Sweatonius dicit morientem Neronem dixisse "Qualis carnifex pereo"[2], quo cogitari potest ei placere homines necare. Probabiliter quidem haec omnia sunt tantum verba hominum invidorum.

[recensere] Notae

  1. Utrum auctor librorum De Vitiis Caesarum Sweatonius an Suetonius dici debeat, ambigitur
  2. Suet.Ner.49
Instrumenta personalia
Communitas