Aeneis

E Necyclopaedia

Columba2

Iuppiter in columbam mutatus.

Omnes noverunt, quid in Aeneide eveniet. Aeneas Troia deleta novam domum sibi suisque petit, Dido eius amore capitur et blaablaablaa. Quod autem homines nesciunt, in fine Aeneidis fuisse narratio Consilii deorum, quae perdita est usque ad hunc diem. Ego autem hanc narrationem inveni, cum Italiam perambulavissem et nunc possum eam palam facere. Ergo eccam:

(Quare ea non sit scripta hexametro, fortasse requiris. Metro quidem poetico scripta est, enim hexagometro undetrigintasyllabico; quod si nescis, plane barbarus es!)

[recensere] Consilium deorum, pars MMMDCCCLXXXVIII:

IUPPITER: Tacete, dii minores! Bacche, poculum vini depone! Omnes scitis, hic cur simus. Nobis decernendum est, quid de Aenea faciamus.

IUNO: Equidem scio: in mare praecipitetur!

VENUS: Immo tu praecipitetur!

IUPPITER: Vobis temperate, optimae mulieres! Qua re revera eum tantopere odisti, deliciae?

IUNO: Quia... quia Helenen furatus est!

VENUS: Paris id quidem fecit!

IUNO: Quia... fecit carmen et errorem!

VENUS: Ovidius id fecit! Praeterea, is non nascitur antequam millennium post!

IUNO: Romam combussit!

VENUS: Nero id fecit – nec est Roma iam condita quidem!

IUNO: Tace, tu molesta plusscia! Eum odi, quia eum odi!

PLUTO: Ego quoque sentio eum esse moriendum. Morientur etiam Turnus, Latinus, Amata, Lavinia, omnes Troiani. Ita plus habebo hominum in Inferis meis. Buahahahaa!

IUPPITER: Fac taceas, Pluto! Si te audirem, nemo viveret.

PLUTO: Ita res se bene haberet! Ceterum, quando tu moriturus es, Iuppiter?

IUPPITER: Stupide! Immortalis sum.

PLUTO: Est etiam mors in immortalis! Buahahahaa!

BACCHUS (ebrius): Immo vivat et cinetum volat! Numquam himis nabemus vini (singultus)!

IUPPITER: Sile, ganeo! Aeneas non debet vinetum colere. Novam urbem conditurus est!

IUNO: Ceterum, marite, ubi eras vespere hesterno? Dicunt quendam album taurum heri Europen transportasse Cretam, ut eam conubium faceret.

IUPPITER: Is... quidem erat Zeus!

IUNO: Tu es Zeus, tu infidelis idiota!

IUPPITER: Ehm, sit ita.

VENUS: Bacche, autem, prave senex! Potin, ut a me abstineas manus!

BACCHUS: Sed cara Vene, ego...

MINERVA: Vocativus Veneris est Venus, caudex!

BACCHUS: Quid, quis est potativus?

NEPTUNUS: Heu eheu! Nemo a me rogavit, quid sit faciendum. Possim enim Aenean submergere, yarr!

IUNO: Consentio, consentio!

IUPPITER: Minime, minime! Si is submergeretur, Roma numquam conditura esset!

IUNO: Tace, marite stultissime! Sin Aeneas incolumis manet, certe scis qua de re abstinebo!

IUPPITER: O me miserum! Quid dicis si, ut puta, Palinurus mergitur?

IUNO: Euge! Eum quoque odi!

IUPPITER: Quid dicis, Neptune?

NEPTUNUS: Yarr!

IUPPITER: Bene! Fortasse debeamus suffragari. Quis vult Aenean Turnum vincere et Romam condere? Bacche, tu potator, expergiscere!

BACCHUS (murmurans): Bibit ista, bivit elle, cibunt bentum gibunt ille... Quid? Experrectus sum!

IUPPITER: Quis ergo suffragatur pro Aenea? Venus, Bacchus, ego. Quis autem vult Turnum Aenean vincere? Iuno, Pluto, Neptunus, Minerva. Io! Vicimus!

IUNO: Quid dicis? Te superavimus!

IUPPITER: Immo! Aeneas enim erat pars accusativa in Accusativo cum infinitivo -clausula, Turnus autem erat obiectum vinco-verbi. Suffragati estis, ut Turnum Aeneas vicat!

VENUS: Buahahahaa. Victa es, tu scrofa!

IUNO: Fac taces, muliercula!

IUPPITER: Finem facite! Decretum est. Aeneas Turnum vicet!

Instrumenta personalia
Communitas